Concorsi letterari

Sabato 21 Gennaio si terrà il concorso letterario "E' Baghén" in Piazza Castello a Forlimpopoli dalle ore 21:00: I Vinciùn (21) ad Ẓnèr (01) de Domelaedóġ (2012) ch' l è un Sabat da al 9 dla sera, int la Piaza de Castèl ad Frampùl uj è e' Cuncórs in Lengva Rumagnola "E' BAGHéN"

Int e' mèẓ dla fèsta dla "Nòta Roṣa-Baghén", in du' ch' us cusarà un Baghén intìr in piaza e us tacarà a magnè di Faṣùl cun al Codghi da al 7 dla sera fintent a al 2 dla nòta, st' an uj sarà e' cuncors tra i mej scritùr dla Rumagna.

Regulamént:

1) L inscrizión la jè a gratis.
2) E' pèz l à da lès in rumagnól e l à da tratè ad Baghén (òman o besċia che sipa).
3) E' pèz e' pò lès et che un, e' basta ch' e' sipa nov e ch' und sipa una parpadèla tròpa longa.
4) Cla sera ugnùn e' liẓarà e' su pèz, ch' e' putrà lès una conta, una ẓirudèla, una poveṣia, una canzón o una barẓaléta.
5) E' giudizi il darà cvi ch' i leẓ, ch' in putrà vutè par sé.
6) E' vot e' va da 0 a 10.
7) Cvel ch' l'ariva prem e' vinz un scartòz ad grisùl.
8) I scritùr ch' i scriv prema in itaglién e po il tradùṣ in rumagnól i vinzarà dal costi pluchidi, ch' l è e'su prezi.
9) Du tri dé dòp, una scvèdra ad magnadùr la caparà tra tóti al storji cveli ch' als pò sajvé e ch' aglj avnirà po stanpèdi int un libar da leẓ ch' us ciamarà "I Culùr de Mond".

Urganizadór: Maurizio Benvenuti (337-239174)
mauriziobenvenuti@alice.it

Cug e Tècnic: Davide Peperoni (335-7262136)